<<اخطيت >>

<<أخطيت>>
يوم إني طلبت حنانك.!!
لاصرت فاقد الشي وشلون تعطيه..!
مهما نطق لي بالمشاعر لسانك
شي(بدون إحساس) صعب أقتنع فيه
إحساسك <المصنوع> خنته وخانك
جاملتني به.. وإنت تجهل معانيه
مني ~نصيحه~ تنفعك في زمانك
إلا شعورك..!
(لاتبيعه وتشريه)
كانك تقدر قيمة الحب كانك
اللي يودك.. لاتحاول إنك تعنيه
ياكثر ماحبك فؤادي وصانك
مع كثر ماتبعده كأنك تناديه
غيرك أمانه خوف والخوف أمانك
ماكل من راعاك تقدر تراعيه
حتى لو عليت بالقلب شانك
أبقى يتيم الحب وجرحي أقاسيه
أبعذرك لو حطيت نفسي مكانك
لاصرت فاقد الشي وشلون تعطيه....!!

لاصرت فاقد الشي وشلون تعطيه....!!

صح لسان قايلها

ويسلموو حبيبتي

تقبلي مروري

كلمات رائعه ومعاني واقعيه

يسلمووووووووو ع الطرح الرائع

دمتي ودااااااااااام بوح قلمك وابدااااااعك

تحيااااااااااااااتي لك

يعطيك الف عافيه,,

يعطيكم الف الف عافيه حبايبي على ردود كم
والله يخليكم لي