يمه تكفين ارجعي

خاطره جدا حزينه ....يمه تكفين بكرى ارجعي....

--------------------------------------------------------------------------------





يـــمـــه ..تكفين اسمعيني ...
يمـه بسألك شي ..جاوبيني ..
هو صحيح اللي مات
داخل القبر يصير حي ...؟؟؟
يــمـــه ...
أسمع أنــا صوتك ..كل يوم اسمعه ..
وإذا حاكيتك هاوشوني ..قالوا انسي ..
روحي يا الله العبي .... !!يمه تعالي ارجعي ...
والله خلاص بسمع كلامك ..
ما أخرب ألعابي ..
وان قلتي يا الله ..
روحي نامي ..
أروح حتى ما تزعلي ..يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينة ها لبنت صارت يتيمة ..
قالت لها أبله منيرة ..
مسكينة توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح
يمه مريولي توسخ ..
ما كان قصدي أوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...
يمـه عرفتي مها ..؟
صديقتي اللي معي ..
زاعلتني ..
تقول ما صرت أنا اضحّـكها
راحت تدور غيري
عشان تلقى احد يونسهـا
يــمــه
يا الله خلاص لا تمزحي
يا الله قومي
تعالي معي للبيت ارجعي
يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا وإخواني ..
ليه وين أقاربنا ..؟؟
وين خالتي ..
اللي كانت تجينا ...
يمممه قوومي... يا الله... تعالي ..
تكفين يا الله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..أو اقولك ..
خلاص خلاص ..
أنا بجيك بكرى ..
إذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي ..

هلا والله اختي برود
لقد اضئتي موظوعي بمرورك عليه اشكرك
تحياتي لك