عاتبوها للشاعر حامد زيد

بعد ما قابلتني عاتبوها
على شوف الحبايب حاسبوها
خذوها و ابعدوها غصب عني
و عن وجهة طريقي جنبوها
و شالوها عن عيوني غصيبة
عواذل و اغصبوني و اغصبوها
خذوها من يديني شوف عيني
و عن عيني تعدوا و احجبوها
كلام و صدقوا بالبنت كذبة
و هم اللي من أول كذبوها
و هم وش دخلهم في مال بين
لابوها و الخلايق طالبوها
وفية ما تخون و لا تعاند
جسورة و المواعيد ارعبوها
ملاكٍ كاملة و الكامل الله
و لكن العواذل عذربوها
و هي كل ما دعتني تشتكي لي
عن اللي سالفتنا سربوها
تخاف و تلتفت مع كل كلمة
تظن أن العواذل راقبوها
تلفت من عقب ما هي جريئة
شجاعة ما تهاب و هيبوها
و اهديها و انا حاير و ثاير
مصيبة يا عذابٍ عذبوها
و هم كل ما خذوها عن طريقي
تراهم صوب قلبي قربوها
و أنا ما تعبت قلبي خيانة
خيانة رتبوها و حسبوها
و لا يعجز خفوقي لا يقابل
جفا من حاربوه و حاربوها
و أنا لي عزةٍ تفرض علي
أخاطب بالجفا من خاطبوها
و أكسر لوحة الماضي و أزيله
و أخربها مثل ما خربوها
و أذوقهم ندم ما صار فيها
و أشربهم من اللي شربوها
و أدلعها و أولعها بنفسي
و أشرقها بعد ما غربوها
و أعوضها عن اللي راح كله
و عن ذيك الليالي كل ابوها
غلاها بالحشا لا زال ثابت
و لو حتى بغيري حببوها
و غلاي بقلبها مر و تعدى
غلاها لأمها و الا لأبوها

ارق واجمل تحيه لكم

مس اكسسوارز

يسلموووووو على الطرح الرائع

مميزه دوما بإذن الله

موشا واسيرة القلوب ولكموووووووووووووووووووو

وانتوا اللي لاتحرموني من مروركم وتشريفكم لمتصفحي

تحياتي لكم

ليت العرب مثلل وبس
يازين حامد وبس
‏
يعطيك العافيه يا قلبي لا تحرمينا جديد شاعرنا العملاق حامد